Deewana banana hai to deewana bana de
varna kahin taqdeer tamasha na bana de

Aye dekhne waalon mujhe hans hans ke na dekho
tumko bhi kahin mohabbat mujh sa na bana de

Main dhoond raha hoon jisko meri vo shamma kahan hai
jo bazm ki har cheez ko parwaana bana de

Akhir koi soorat to ho khana-e-dil ki
Kaba nahin banta hai to butkhana bana de

‘Behzad’ har ek gaam pe ek sajda-e-masti
har zarre ko sang-e-dar-e-jana na bana de